სამომხმარებლო შეთანხმება / კონფიდენციალურობის პოლიტიკა

წინამდებარე დოკუმენტი განმარტავს აპლიკაცია ნომრების ბაზის მიერ მომხმარებლის პერსონალური მონაცემების დამუშავებისა და გამოყენების პრინციპებს, მიზანსა და წესებს.

აპლიკაციის/ვებსაიტის წესებისა და პირობების თანხმობის ელექტრონულად მონიშვნით/აღიარებით მომხმარებელი ადასტურებს, რომ ამავდროულად ეთანხმება წინამდებარე პერსონალური მონაცემების დაცვის პოლიტიკას, მომხმარებლის მიერ მოწოდებული ინფორმაცია ზუსტი და უტყუარია, ინფორმაციის მოწოდება მოხდა მომხმარებლის საკუთარი სურვილით და ამისათვის მას გააჩნია კანონმდებლობით გათვალისწინებული ყველა უფლება და ნებართვა.

ვებსაიტის/აპლიკაციის წესებსა და პირობებზე თანხმობის ელექტრონულად მონიშვნით/აღიარებით მომხმარებელი თანხმობას აცხადებს და ადასტურებს კონფიდენციალურობის პირობებს.

ტერმინები:

მომხმარებელი – ნებისმიერი პირი, რომელიც შედის აპლიკაცია/ვებსაიტზე და იყენებს მას ინფორმაციის ან მომსახურების მიღების მიზნით;

მონაცემთა სუბიექტი - ნებისმიერი ფიზიკური პირი, რომლის შესახებ მონაცემიც მუშავდება;

პერსონალური მონაცემი - ნებისმიერი ინფორმაცია, რომელიც უკავშირდება იდენტიფიცირებულ ან იდენტიფიცირებად ფიზიკურ პირს. პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, კერძოდ, საიდენტიფიკაციო ნომრით.

1. პერსონალური მონაცემების დაცვის პოლიტიკა

აპლიკაცია პერსონალური მონაცემების დამუშავებასა და დაცვას ახორციელებს პერსონალურ მონაცემთა დაცვის შესახებ საქართველოს კანონმდებლობის მოთხოვნებისა და მონაცემთა დაცვის საერთაშორისო სტანდარტების შესაბამისად.

2. მონაცემთა დაცვის პოლიტიკის მოქმედების სფერო

2.1 წინამდებარე პოლიტიკა სრულად ვრცელდება აპლიკაციის მიერ პერსონალური მონაცემების ავტომატური საშუალებებით მონაცემთა დამუშავებაზე და გამოიყენება პერსონალური მონაცემების დაცვის პროცესში.

2.2 აღნიშნული პოლიტიკა ვრცელდება ყველა იმ პირზე, რომელთა მონაცემებიც მუშავდება აპლიკაციის მიერ.

3. პერსონალური მონაცემების დამუშავების საფუძვლები და პრინციპები

3.1 აპლიკაციის მიერ პერსონალური მონაცემების დამუშავება ხდება მხოლოდ შემდეგ შემთხვევებში:

3.1.1. არსებობს მონაცემთა სუბიექტის თანხმობა;

3.1.2. მონაცემთა დამუშავება გათვალისწინებულია კანონით;

3.1.3. მონაცემები საჯაროდ ხელმისაწვდომია;

3.1.4. მონაცემები ხელმისაწვდომი გახადა თავად მონაცემთა სუბიექტმა;

3.1.5. მონაცემთა დამუშავება აუცილებელია მონაცემთა სუბიექტის მომსახურების გაწევის მიზნით;

3.2 მონაცემთა დამუშავება ხდება კონკრეტული პრინციპების შესაბამისად:

3.2.1 სამართლიანობა და კანონიერება - პერსონალური მონაცემები უნდა დამუშავდეს სამართლიანად და კანონიერად, პიროვნების ღირსების შეულახავად;

3.2.2 მკაფიოდ განსაზღვრული კანონიერი მიზნის არსებობა - აუცილებელია, არსებობდეს კონკრეტული მიზანი, რისთვისაც ხდება მონაცემთა დამუშავება. სხვა მიზნებით მონაცემების გამოყენება დაუშვებელია.

3.2.3 პროპორციულობა და ადეკვატურობა - მონაცემები უნდა დამუშავდეს იმ მინიმალური მოცულობით, რაც აუცილებელია მონაცემთა დამუშავების კონკრეტული მიზნის მისაღწევად; თავად მონაცემებიც, ამ მიზნის შესაბამისი უნდა იყოს.

3.2.4 პერსონალური მონაცემების შენახვის ვადა - პერსონალური მონაცემები უნდა ინახებოდეს კანონით განსაზღვრული ვადით ან იმ ვადით, რაც აუცილებელია მიზნის მისაღწევად.

4. პერსონალურ მონაცემთა კატეგორია და მისი დამუშავება

4.1 აპლიკაცია ახდენს ძირითადად რამდენიმე კატეგორიის პერსონალური მონაცემის შეგროვებას და დამუშავებას. კერძოდ: სახელი, გვარი, ფოტო, ტელეფონის ნომერი, IP მისამართი, რომლის გამოყენებითაც ხორციელდება აპლიკაცია/ვებსაიტზე შესვლა.

4.2 თანხმობას მონაცემთა სუბიექტი გამოხატავს ზეპირად, წერილობით, ან სხვა შესაბამისი საშუალებით გამოხატული წესით, რომლითაც შესაძლებელია დადგინდეს მონაცემთა სუბიექტის ნება და გაკეთდეს შესაბამისი ჩანაწერი.

4.3 აპლიკაციამ შეიძლება დაამუშაოს მონაცემები მომსახურების საჭიროებიდან გამომდინარე საქართველოს კანონმდებლობით დადგენილ მოთხოვნების დაცვით.

5. პერსონალური მონაცემების მესამე პირებისგან მოპოვება

5.1. აპლიკაციამ მონაცემთა სუბიექტის პერსონალური მონაცემები შესაძლოა მესამე პირებისგან მოიპოვოს საქართველოს კანონმდებლობით განსაზღვრულ შემთხვევებში,

5.2. მესამე პირს წარმოადგენს აპლიკაციის მომხმარებელი ფიზიკური/იურუდიულ პირები

6. მონაცემთა უსაფრთხოება

6.1 აპლიკაციის უსაფთხოებისთვის მიღებულია ისეთი გონივრული ორგანიზაციული და ტექნიკური ზომები, რაც უზრუნველყოფს მონაცემთა დაცვას შემთხვევითი ან უკანონო განადგურებისგან, შეცვლისაგან, გამჟღავნებისგან, მოპოვებისგან, ნებისმიერი სხვა ფორმით უკანონო გამოყენებისა და შემთხვევითი ან უკანონო დაკარგვისაგან.

7. მონაცემთა სუბიექტის უფლებები და ვალდებულებები

7.1 მონაცემთა სუბიექტი უფლებამოსილია ნებისმიერ დროს მიმართოს აპლიკაციას და იმ შემთხვევაში, თუ მონაცემები არასრულია, არაზუსტია, არ არის განახლებული ან თუ მათი შეგროვება და დამუშავება განხორციელდა კანონის საწინააღმდეგოდ, მოსთხოვოს მისი პერსონალური მონაცემების გასწორება, დაბლოკვა, განახლება, დამატება, წაშლა, ან განადგურება. ასეთ დროს აპლიკაცია შესაბამის რეაგირებას ახდენს შეტყობინების მიღებიდან არაუგვიანეს 5 (ხუთი) კალენდარული დღის ვადაში.

7.2 მონაცემთა სუბიექტი უფლებამოსილია ნებისმიერ დროს, ყოველგვარი განმარტების გარეშე, გამოიხმოს (მოითხოვოს მონაცემების დამუშავების შეწყვეტა ან/და დამუშავებული მონაცემების განადგურება) მის მიერ აპლიკაციისთვის გაცხადებული თანხმობა მისი პერსონალური მონაცემების დამუშავების თაობაზე. აპლიკაცია უზრუნველყოფს შესაბამისი ქმედების განხორციელებას ასეთი შეტყობინების მიღებიდან არაუგვიანეს 5 (ხუთი) კალენდარული დღის ვადაში.